ഓർമ്മകളുടെ തീരത്ത്.(ആന്തോളജി)
എഡിറ്റർ:ഫിറോസ് കോന്നി.
മനുഷ്യജീവിതം അർത്ഥപൂർണ്ണമാകുന്നത് നാം നെഞ്ചോട് കാത്തുവെക്കുന്ന സ്മരണകളിലൂടെയാണ്. കഴിഞ്ഞുപോയ കാലത്തിന്റെ സുഗന്ധവും നൊമ്പരവും ഓരോ മനസ്സിലും മായാതെ കിടപ്പുണ്ട്. 'ഓർമ്മകളുടെ തീരത്ത്' എന്ന ഈ കാവ്യസമാഹാരം അത്തരം ഓർമ്മകളിലേക്കുള്ള ഹൃദ്യമായൊരു തീർത്ഥയാത്രയാണ്. ദിശാസാഹിത്യ കുടുംബത്തിലെ പ്രതിഭകൾ തങ്ങളുടെ തൂലികയിലൂടെ പകർത്തിവെച്ചിരിക്കുന്നത് കാലം മായ്ക്കാത്ത ജീവസ്പന്ദനങ്ങളാണ്. വെറുമൊരു പുസ്തകമെന്നതിലുപരി, ഒട്ടേറെ ജീവിതങ്ങളുടെ നേർക്കാഴ്ചയാണ് ഈ സമാഹാരം. മഷിത്തണ്ടും സ്ലേറ്റ് പെൻസിലും നിറഞ്ഞ, ഒരിക്കലും തിരികെയെത്താത്ത ബാല്യത്തിന്റെ നിഷ്കളങ്കത ഇതിലെ വരികളിൽ നിറഞ്ഞുനിൽക്കുന്നു. പെയ്തൊഴിയാത്ത മഴയായും , ഉള്ളിൽ നീറുന്ന പ്രണയനഷ്ടങ്ങളായും, വിരഹത്തിന്റെ നോവായും ഓർമ്മകളുടെ വസന്തം വായനക്കാരിലേക്ക് പെയ്തിറങ്ങുന്നു. ഒപ്പം, തളരാതെ കാത്തുസൂക്ഷിച്ച അമ്മയുടെ വാത്സല്യവും , ജീവിതത്തിൽ തണലായിമാറിയ അച്ഛന്റെ സ്മരണകളും ഈ കവിതകളെ കൂടുതൽ ആർദ്രമാക്കുന്നു.
വില:300
പേജ് :170
പ്രസാധകർ: ദിശ ബുക്സ്.
